劉爸爸減肥心得😏
「肥咗」分三隻：
1)「自覺肥咗」，通常出自嗰D本身好fit嘅人把口，例如運動員、模特兒、健身教練等等。
路人甲：「哇你咁fit架！」
運/模/健：「肥咗喇，之前仲fit。」
係咁嘅情況係好難減肥，因為本身已經好fit，純粹想show off先咁講😏
2)「他覺肥咗」，通常出自三姑六婆把口，而當時人真係肥咗少少。
三姑：「哇！乜你肥咗咁多呀，差D認唔出你。」
當時人：「係呀，近排小運動。」（心諗：駛x你講咩）
六婆補充：「係囉！肥咗喎！」
當時人：「..........」
係呢個情況，其實係唔駛減肥。因為話人肥嗰D三姑六婆先真係肥，叫佢地減咗先🤬
3)「唔覺肥咗」，通常沖完涼未着衫照鏡，同自己講嘅真心話。
自己：「邊有肥咗呀？咪同之前差唔多。」
去到呢個情況已經減都無謂，連自己都可以呃埋，仲點減🤫
Search